三朵杏花

楊仲文

“杏花春雨江南”六個(gè)字信息量蠻大，時(shí)間地點(diǎn)、氣候物候儕辣里廂。過去江南地區(qū)春天養(yǎng)個(gè)小姑娘叫杏花個(gè)常有，錢家塘里就有三個(gè)女小囡叫杏花，年齡相仿小學(xué)里同班同學(xué)，大家從小到大一直蠻要好。長大了三個(gè)杏花儕是地下黨員，因?yàn)槲鹄币粋€(gè)支部里，彼此并勿曉得對方是共產(chǎn)黨員，當(dāng)時(shí)情況也很正常。

杏花當(dāng)中年紀(jì)頂大讀書最多個(gè)一位，好記點(diǎn)稱伊為教師杏花。伊讀個(gè)是師范，書讀出來勒中學(xué)里教書，伊個(gè)組織上線老姜也辣一道教書。當(dāng)年校舍設(shè)備交關(guān)短缺，常常同民居混雜了一幢建筑里，傳說迭幢老房子個(gè)頂閣樓里吊殺過人，常出鬼，葛末就堆了學(xué)堂個(gè)雜物，平常勿大有人上去，夜里廂就更加勿談了。正好畀杏花老師同老姜伊拉里廂開會活動(dòng)，秘密根本嘸沒人曉得，甚至用學(xué)堂個(gè)手工油印機(jī)印傳單等等也勒迭間“出鬼”個(gè)房間里進(jìn)行，交關(guān)方便。

迭辰光東北戰(zhàn)役開始，白區(qū)個(gè)形勢吃緊起來，老姜就畀紅車子捉進(jìn)去了。當(dāng)時(shí)從美國進(jìn)口了幾部囚車，上頭好架機(jī)關(guān)槍，車身密封窗門也嘸沒，迭種兩手貨重新噴一噴紅顏色，號稱啥個(gè)“飛行堡壘”，存心嚇嚇老百姓，嗚啦嗚啦開了馬路浪捉人。

搿天夜里九十點(diǎn)鐘辰光，有人敲老姜屋里個(gè)前門，還嘴巴里大聲喊：“老姜，老姜，開門開門！”聽得出是組織里一位同志辣喊，但是聽聽勿對，哪能勿是平常個(gè)聲音？喉嚨夾緊之難聽得勿得了，像鬼叫一樣。老姜馬上警覺起來就朝后門跑，剛走到樓梯口，灶披間里嘸沒燈，看得清清爽爽灶披間后門旁邊一扇窗外頭，弄堂路燈下一個(gè)黑影子一閃，老姜馬上上到三樓曬臺。上海交關(guān)老式里弄房子一排生曬臺接曬臺連了一道，當(dāng)中拿道矮磚墻隔開，大人可以跨得過去。老姜連跨兩三家人家嫌鄙忒慢，因?yàn)橛悬c(diǎn)矮墻上頭擺了盆栽綠化，索性立辣矮墻上再爬到三層閣個(gè)屋頂，辣辣屋脊上頭四手四腳像只貓介爬。爬到排房子盡頭再從屋頂下到曬臺，推推曬臺門虛掩辣海，就輕手輕腳進(jìn)到人家屋里，再下到二樓、一樓，從灶披間后門扭開司必靈鎖出到弄堂里。嘸沒走兩步路就畀一把逮牢，迭批反動(dòng)家伙也是老鬼，曉得迭格路數(shù)候辣辣。

教師杏花就來求杏花嫂幫忙，杏花嫂三個(gè)人當(dāng)中年紀(jì)最小，結(jié)婚早，畀大家尊稱為杏花嫂。杏花嫂叫自家老公，蘇北幫個(gè)小老大篾匠進(jìn)寶出面去保老姜出來，小老大進(jìn)寶就用“蘇北同鄉(xiāng)會”個(gè)名義去警察局活動(dòng)，講“老姜也是嘸沒辦法，幫了教師公會出頭討欠薪……”。老姜出來個(gè)辰光，是蘇北幫賬房間老李去領(lǐng)出來，人家對老李講：“搿趟賣倷小老大個(gè)面子，關(guān)照姓姜迭個(gè)人，下趟再跳上跳落阿拉就對伊勿客氣了?！?/p>

老姜出來到杏花嫂店里，一是謝謝伊幫了大忙;二是請伊帶閑話畀教師杏花，講自家回蘇北鄉(xiāng)下教書去了，叫教師杏花放心，要伊等了，“我總歸會得回來，一定要等我?！崩辖v自家勿方便去見教師杏花，請杏花嫂一定轉(zhuǎn)告。杏花嫂也猜得出，迭個(gè)是組織上安排老姜轉(zhuǎn)移到蘇北新四軍根據(jù)地繼續(xù)革命去了。

后頭閑話先講，新中國成立以后老姜跟了部隊(duì)進(jìn)城，作為軍管會成員接管教育局，再后頭伊同教師杏花兩家頭做了夫妻，一直戰(zhàn)斗辣教育戰(zhàn)線直到退休。

講回到蘇北幫小老大進(jìn)寶，畀“江北皇帝”顧竹軒收作關(guān)山門徒弟之前，跟伊個(gè)老爹（祖父）辣辣錢家塘口頭南昌路上撐一爿小小個(gè)篾竹店。過了兩年老爹做勿動(dòng)了，進(jìn)寶手里也稍微積了眼鈔票，就拿篾竹店翻修一下改了間煙紙店，小小個(gè)?，F(xiàn)在是伊個(gè)童養(yǎng)媳婦杏花嫂看辣海，啥人也勿曉得杏花嫂是共產(chǎn)黨員，迭爿煙紙店就是一個(gè)交通聯(lián)絡(luò)點(diǎn)，是極其秘密個(gè)“郵局”，組織上來個(gè)人拿“信件”存了迭爿煙紙店里，規(guī)定辰光又來個(gè)人接上頭拿“信件”取走，就介簡單。但是辣辣白色恐怖下頭又重要得勿得了。

一天來個(gè)年輕人，大學(xué)生模樣，著得清清爽爽，客客氣氣對杏花嫂講：“有人寄了樣物什辣倷此地，麻煩儂我來拿轉(zhuǎn)去?！?/p>

聽伊嘸沒講出接頭暗號就直別別開口要物什，杏花嫂就裝樣子辣辣小小個(gè)煙紙店里東翻西翻，一面尋一面嘴巴里講：“嘸沒啊，儕是店里個(gè)物什，阿會得畀人家拿轉(zhuǎn)去啦，儂講得出是啥樣個(gè)物什伐？”

迭個(gè)人也講勿出，講了兩聲：“我大概搞錯(cuò)脫了，再到別家煙紙店去看看，對勿住……”就跑脫了。

杏花嫂定心坐脫一歇，拿起一只熱水瓶倒出大半熱水辣只面盆里，然后拎了熱水瓶前店門走出來，辣上街沿拿余水倒了馬路邊個(gè)陰井里，迭個(gè)是存心做畀周圍迓辣海個(gè)便衣密探看個(gè)。然后伊走兩步彎進(jìn)錢家塘里廂，跑到一間老虎灶，也就是連牢“錢塘浴室”迭間去泡開水。伊低聲對老虎灶燒水個(gè)老羅講：“有人來過了，出事體了。”老羅回了句：“儂自家當(dāng)心，天快亮了?！毙踊ㄉc(diǎn)點(diǎn)頭，同老羅兩個(gè)人目光堅(jiān)定個(gè)對看了看，就又拎了熱水瓶回到店里。

“錢塘浴室”只老虎灶辣錢家塘北出口，靠了霞飛路（淮海路），自家個(gè)煙紙店辣辣南出口南昌路浪。迭段直穿錢家塘個(gè)路浪一歇工夫，只看見一幫便衣拿爿煙紙店圍牢塞滿，見到杏花嫂回來就兇來兮問伊：“東西呢？快把東西交出來！”杏花嫂就裝作嚇壞脫個(gè)樣子，拿手一松，只熱水瓶摜了地啷“嘭”一聲來得個(gè)響！伊想隨便哪能總歸要發(fā)個(gè)信號，告訴自家同志此地出事體了。

杏花嫂就講：“什呢東西？你們啦快來的狠三狠四，要什呢東西？講??！”杏花嫂心想總歸要擺出點(diǎn)蘇北幫小老大女人個(gè)威勢搭倷搞搞。兩個(gè)便衣就講：“共產(chǎn)黨交把你的東西，快點(diǎn)交出來！”杏花嫂回答伊：“噯唷喂！這位長官兄弟，你不要血口噴人，這種事情犯上了要?dú)㈩^槍斃的，不好瞎講！吾開個(gè)煙紙店小本經(jīng)營，有什呢事你們找吾家男人進(jìn)寶去講?！眱蓚€(gè)便衣曉得迭個(gè)女人勿是好吃吃個(gè)，講勿定其中兩個(gè)還是蘇北幫個(gè)人，就講：“吾們公事公辦，待下子跟我們局里去跑一趟?！毙踊ㄉ┞牭贸鲆晾鸶夷哪?，就答一句：“去就去，讓我跟男人關(guān)照一聲……”

迭辰光有個(gè)便衣大叫：“找到了，找到了！”小小個(gè)煙紙店兜底翻，辣辣柜臺頂下頭伊拉尋著一只報(bào)紙包，薄薄個(gè)一本雜志大小，特務(wù)就目露兇光對杏花嫂訓(xùn)斥：“你嘴巴不要兇，這個(gè)是什呢東西，快點(diǎn)交代！”

杏花嫂勿慌勿忙回答：“我咋家曉得什呢東西，又不是值錢的東西，里頭是鈔票金圓券啊?！苯饒A券是當(dāng)時(shí)法定貨幣，臨近解放已經(jīng)貶值得像草紙一樣，一底人發(fā)工鈿還要拿面粉袋裝，杏花嫂故意實(shí)梗講嘲嘲伊拉。不過心里邪氣擔(dān)心，真勿曉得打開來里廂是啥個(gè)重要秘密文件。“這下玩大了。”

兩個(gè)便衣三記兩記拿報(bào)紙撕開，里廂是一本《青青電影》雜志，伊拉連忙拿出一瓶藥水辣辣雜志每張紙頭上橫搨豎搨，又拿一只五節(jié)頭電池個(gè)大手電筒橫照豎照……迭種手電筒講是美國來路貨個(gè)鐳錠燈，可以照得出秘密寫個(gè)字來。弄了半日天只尋出好幾只手指頭印子，當(dāng)年還勿發(fā)達(dá)，嘸沒啥個(gè)指紋庫，兩個(gè)便衣也勿當(dāng)樁事體。杏花嫂看到搿里心倒定下來了，曉得迭是份接頭通知，收到個(gè)人可以得到迭個(gè)信息：“阿拉老辰光老地方碰頭?！蔽饡缘脗€(gè)人就是拾著迭本雜志也嘸沒用場。

鬧出介大個(gè)動(dòng)靜，自然有人告訴了小老大進(jìn)寶，伊就帶了兩個(gè)兄弟還有賬房間老李趕得來。對方領(lǐng)頭個(gè)人識相勿出面，倒是兩個(gè)手下頭人對進(jìn)寶講了講哪能樁事體。進(jìn)寶上過臺面見過世面，就講：“各位辦公事我不好打擾，對不住了。我家主婆開迭爿煙紙店也不是一天兩天，左鄰右舍走過路人天天見到，有什呢不周全的地方請各位多多包涵。”講完就拱手為拳朝四周敬一圈。接下來伊就講：“吾們出來闖四方，蘇北幫講的是：‘拳頭上好跑馬，胳膊上站得人。這個(gè)老祖宗的規(guī)矩吾是記在心上。開個(gè)小店，于人方便，于己方便，人家相信你把個(gè)東西在你這塊存一存、放一放，恐怕不好隨隨便便拒絕，行這個(gè)方便的也不是吾們一家。至于存些什呢東西不好說，你們查到了盡管帶走，這個(gè)責(zé)任嘛，吾們小小老百姓有口飯吃吃就日子太平了，管不了那么多呀！各位辛苦了，少不得吾進(jìn)寶要跟你們跑一趟……”

進(jìn)寶個(gè)閑話軟中帶硬，處處辣路浪，講得交關(guān)漂亮：“我跟倷到警察局去跑一埭。”兩個(gè)特務(wù)就連忙打哈哈：“什呢話什呢話？東西拿回局子里去再講，后會有期，后會有期?！币慌四昧吮倦s志走了，但是留下了一個(gè)特務(wù)坐了店里看守。

迭個(gè)特務(wù)黑黑瘦瘦像個(gè)白粉鬼。當(dāng)年個(gè)白粉也是毒品，相當(dāng)于今朝頂蹩腳個(gè)可卡因。坐了店堂里歇息打哈欠，杏花嫂就拿出包白金龍香煙請伊，迭個(gè)特務(wù)也老實(shí)勿客氣順手拿包香煙搭自來火一道統(tǒng)統(tǒng)擺進(jìn)自家袋袋里。杏花嫂又叫隔壁店里個(gè)小頑頭幫忙叫了客湯包來畀迭個(gè)特務(wù)吃，吃好之后對伊講：“吾去泡壺突突滾個(gè)開水來泡杯濃茶你喝喝可好？”特務(wù)響也勿響點(diǎn)點(diǎn)頭，杏花嫂又拎了只熱水瓶到北口頭“錢塘浴室”去泡開水，迭個(gè)特務(wù)吃飽了懶得跑就坐了店里呼香煙嘸沒跟得去。杏花嫂定定心心對老羅拿大概講了講，老羅講：“頂要緊勿好再有人來擺物什。”杏花嫂勿多講了就拎了只熱水瓶回來泡杯茶畀店里坐了個(gè)特務(wù)吃，迭個(gè)特務(wù)倒好，天天香煙點(diǎn)心享受了三日天再走，自然是空了手走個(gè)。

搿天夜里小老大進(jìn)寶對家主婆杏花嫂講：“你是共產(chǎn)黨也不會對我講的，明天我叫兩個(gè)兄弟送你們娘兒倆到鄉(xiāng)下去避避風(fēng)頭?！毙踊ㄉ┚椭v：“我這一走不打自招是共產(chǎn)黨了，他們就會來找你麻煩。”進(jìn)寶講：“吾怕什呢？”杏花嫂就又講：“吾們店照開，就是不再存東西，看他們還有什么話說！”進(jìn)寶嘆了口氣說：“狗急跳墻，明擺著局勢到了今天，當(dāng)心他們瘋狗亂咬人啊。”

過兩日煙紙店玻璃柜臺浪貼出張勿大勿小個(gè)告示：“店小本短，恕不寄存”。葛末迭趟特務(wù)直接來尋著小老大進(jìn)寶了，講：“這樣一來共產(chǎn)黨抓不到了?！边M(jìn)寶就回答伊拉：“難哪！存人家東西，講是共產(chǎn)黨來擺的，不存人家東西，又講抓不到共產(chǎn)黨了。他不擺我們這家還有其他煙紙店好存放。多了呢，上海灘煙紙店比螞蟻還多，靠這個(gè)抓共產(chǎn)黨抓得光？難！”

邊浪賬房間老李就遞上根香煙還點(diǎn)著了火，壓低點(diǎn)聲音講：“吾們男人出來混不容易啊，上有老下有小，一家老小擔(dān)子重哪。聽說啊，老蔣坐了美國兵艦到臺灣去了……局勢明擺這塊，貴兄弟該考慮考慮后路啊?！?/p>

讀者曉得也猜得到，賬房間老李也是地下黨，組織上派了蘇北幫里廂做工作。迭一年四月底，上海地下黨就對國民黨軍政人員秘密派送信件，警告伊拉認(rèn)清形勢棄暗投明，起義反正主動(dòng)贖罪，爭取寬大處理。老李自然勿會放過迭個(gè)送上門來個(gè)對象，點(diǎn)明伊一條路，起到了分化瓦解敵人陣營個(gè)重要作用。從此以后，迭些特務(wù)就勿再來了。

后頭組織上弄清爽，搿趟是有個(gè)叛徒供出來用南昌路錢家塘口口頭迭爿煙紙店做“郵筒”個(gè)事體，因?yàn)橐潦切罗D(zhuǎn)過來個(gè)關(guān)系，還嘸沒執(zhí)行過迭個(gè)任務(wù)，伊就勿曉得迭爿煙紙店是個(gè)聯(lián)絡(luò)點(diǎn)，也勿曉得規(guī)定個(gè)接頭暗號，當(dāng)然更勿曉得老板娘個(gè)真實(shí)身份。特務(wù)密探聽伊講了就以為只是爿普通個(gè)煙紙店，沖過來三嚇頭冒一冒，畀杏花嫂沉著對付過去。只是廢脫一處聯(lián)絡(luò)點(diǎn)，損失還是蠻大個(gè)。

講到上海個(gè)煙紙店老虎灶，忒有特色也忒平常了，街頭巷尾隨處可見，算得是上海個(gè)一種人文符號。只要是上海人，從小到大嘸沒一個(gè)勿是同煙紙店老虎灶打過交道，講起煙紙店老虎灶賽過馬上就得到了是勿是上海人個(gè)認(rèn)同感，啊是交關(guān)特別。

乃末再講到第三位杏花，過去上海閑話講伊是“做廠”個(gè)，而勿講伊是“做工”個(gè)。做廠杏花個(gè)上線是老池，搿辰光老池辣赫德路（今常德路）英商電車公司開有軌電車。伊后來講：“本來頭天夜里商量好先由電力公司發(fā)動(dòng)罷工，然后電車公司幾搭地方也舉行罷工聲援伊拉?！钡诙烨逶缙饋砜匆娐窡袅晾焙?，曉得電力公司罷工勿成功，伊就照常去上班，剛踏進(jìn)電車公司就畀捉牢關(guān)了一處學(xué)堂里。迭辰光瘋狂捉人忒多了關(guān)勿落，就拿爿學(xué)堂派用場。同房間四個(gè)人，兩個(gè)是交大學(xué)生，另一個(gè)年紀(jì)大點(diǎn)叫老魯。關(guān)了里廂也勿審勿問，后來再曉得是準(zhǔn)備拿伊拉集中槍斃脫，窗門釘煞之縫縫里望出去，看也看勿見點(diǎn)啥，只聽得外頭槍炮聲越來越近，大家明白國民黨辣辣節(jié)節(jié)敗退，上?？煲夥帕恕?/p>

迭一年5月24日下半日，上海警察局機(jī)動(dòng)車大隊(duì)起義，正式通知局長毛森。毛森摜脫電話帶了幾個(gè)親信就逃，消息傳出去，整個(gè)警察系統(tǒng)儕癱脫。葛末到了25號早浪頭，同老池關(guān)了一間里個(gè)兩個(gè)交大學(xué)生到底年紀(jì)輕反應(yīng)快，講：“昨日夜里槍炮聲還蠻密，今朝早浪就少了交關(guān)聽勿大到了……”再聽聽走廊里看守個(gè)腳步聲也有一腔嘸沒聲音，其中一個(gè)去推推牢門，咦！哪能鎖也勿鎖開辣海？伊就拿了毛巾漱口杯手里開開門跑出去，問起來講是早浪頭要漱洗。伊從樓浪走到樓下，一個(gè)看守也嘸沒。就奔上來叫老池伊拉快點(diǎn)跑！出了房間老池還一間一間敲門，其他房門也嘸沒鎖，點(diǎn)人就跟牢老池后頭大家跑??！出來了認(rèn)出了是辣辣徐家匯附近，兩個(gè)交大學(xué)生就講要回交大去，老池就想先回到靜安寺赫德路（現(xiàn)常德路）英商電車公司“老?！蓖＼噲鋈そM織再講。路上越走越心定了，雖然頭頂上還偶爾有流彈滋滋飛過，但是只看見一隊(duì)隊(duì)解放軍由西向東走，有兩趟解放軍還勸伊回屋里去路浪危險(xiǎn)。伊回答講，自家剛剛從國民黨牢監(jiān)里逃出來。解放軍還向伊敬個(gè)禮，老池講伊激動(dòng)啊，眼淚水都出來了。

老池心急急從徐家匯沿牢墻腳跟走到“老?！保ㄍ＼噲觯?，只見門口頭一位地下黨同志立辣海站崗，胳膊上一只“人民保安隊(duì)”袖章，上頭鮮紅個(gè)關(guān)防（圖章）印辣海，大家見了面高興啊，進(jìn)去后一些黨員同志還有積極分子儕圍上來問老池哪能出來？老池只會得回答：“解放了，解放了……”

5月28日，老池記得清清爽爽，組織上安排：“頭班電車開出去兜一圈，讓老百姓儕曉得上海解放了，大家安居樂業(yè)啦……”老池就接受了迭個(gè)光榮任務(wù)出車了，組織上還特為關(guān)照：“注意安全，聽從解放軍指揮，勿要硬闖，先開一節(jié)頭車子出去，勿來三就辮子一拉掉個(gè)頭轉(zhuǎn)來?！钡焦鈧€(gè)有軌電車是兩節(jié)頭，前頭一節(jié)機(jī)車，機(jī)車頭尾巴兩處儕有駕駛功能，只要頂浪辮子拉下來調(diào)個(gè)向，就可以反方向開轉(zhuǎn)來。臨開車又上來三五個(gè)同志，手里一人一根三尺長個(gè)自來水鐵管子，碰著壞人就勿怕。老池拿電車開出去，腳下頭一踏“當(dāng)當(dāng)當(dāng)，當(dāng)當(dāng)當(dāng)”早浪六點(diǎn)鐘馬路上空蕩蕩，清脆個(gè)鈴聲劃破了上海灘個(gè)寂靜，通告大家：大上海回到上海人民手里啦！

車子一路開出去，每只站頭儕有一位解放軍戰(zhàn)士立了，開到愛文義路（北京西路）就看到“扳紅綠燈”個(gè)爺叔出來了，胳膊浪也是圍了“人民保安隊(duì)”袖章，曉得伊拉是警察局交通隊(duì)個(gè)地下黨同志或者積極分子，大家行個(gè)注目禮打個(gè)招呼，心里也是講勿出個(gè)激動(dòng)??！當(dāng)年交通紅綠燈是人工操作，轉(zhuǎn)換紅綠燈要人工扳只開關(guān)，所以上海人稱交通警為“扳紅綠燈”個(gè)。平常電車前頭有人有車擋道就要踏響司機(jī)腳下只鈴“當(dāng)當(dāng)”響，搿辰光也勿管有人嘸沒人辣前頭，只管一歇息“當(dāng)當(dāng)當(dāng)”，一歇息“當(dāng)當(dāng)當(dāng)”，勿停個(gè)告訴大家，“電車又行起來啦，大家快點(diǎn)來乘啊……”

老池講到搿搭忽然問道：“哪能有人講‘上海解放了個(gè)電臺廣播啥人啥人是第一聲;又有人講，啊里一張報(bào)紙先發(fā)個(gè)‘上海解放號外。哪能就嘸沒人講，上海解放第一部電車開出去當(dāng)當(dāng)響，啊里一只紅綠燈頭一個(gè)扳出來呢？迭個(gè)也是交關(guān)有意思個(gè)啊?！?/p>

大家就回答伊：“會得寫個(gè)，會得寫出來咯。”