上海人副“吞頭勢”

楊仲文

開放以后到了美國洛杉磯，有趟華人聚會，一位老先生過來用地道格上海閑話對我講：“迭位先生是上海人吧？我也是上海來格，隔日方便想請儂吃頓便飯……”飯桌啷我才曉得伊過去是國民黨一位師長。伊問我：“出來卅年了，上海俾改造得哪能？”我回答伊：“變化蠻大，有機會回去看看呢?！毕胛鸬揭羾@了口氣講：“唉，隨便哪能上海人副‘吞頭勢是總歸改造勿脫格啦，勿然我會得一眼看出儂是上海人?！笨跉饫飵赋鰧ι虾８駸o限依戀。

當年白話文運動主帥胡適先生提倡寫文章要多用口語、俗語?！巴填^勢”就是上海閑話里格口語俗語，問題是口語俗語里廂交關(guān)“有音無字”寫勿出，胡先生哪能勿講明白如何做到“有音有字”呢，格末“吞頭勢”三個字只好我自家造出來。上海閑話用到“頭勢”兩字格地方勿少，比如：老阿奶講，“小囡白相迪士尼吃力了，看伊格睏頭勢”，寶寶正睡得又香又甜。外婆看到大外孫長發(fā)頭啷會得吃，日長夜大老人看了開心，也會講，“吃頭勢真結(jié)棍，一口氣好吃三塊紅燒大排骨”。還有阿姨講，“迭格小毛頭哭起來兇頭勢，就是要人抱”。弄勿好上海小美女會得嗔一句男朋友，“儂迭格人煩頭勢，阿拉勿睬儂”。如果講到“迭格人頭勢煞清”，是指男士兩根頭發(fā)梳得規(guī)規(guī)齊齊，意思儕勿好搞錯脫。

“吞頭勢”同以上講格各種“頭勢”又勿大一樣，哪能講法子？上海人出上海，著了當?shù)厝艘律?，哪怕勿用講一句閑話，立了嗨，一定會得俾人家認出來是個上海人;梗轉(zhuǎn)來講，外地人到上海，穿了一身淮海路（千萬勿是南京路?。┐蟮昙屹I來格貴（滬音ju）衣裳，勿用開口也一定俾另眼看待。上海人自有一副“上海人格吞頭勢”，迭格一眼也勿會搞錯脫。

口語、俗語格地域性交關(guān)強，“吞頭勢”三個字真嘸沒辦法轉(zhuǎn)成普通話，加上去一連串解釋說明啰里八嗦半日天也未必纏得明白，倒是英文里有個字Temperament，是指一個人秉性、身體和精神各方面的特質(zhì)，中文解釋為“氣質(zhì)”。一個人氣質(zhì)好，必定有內(nèi)涵有外表，俾人家一個好印象。老話講得勿錯，“有諸于內(nèi)，形諸于外”，外頭格神態(tài)，里廂格修養(yǎng)儕包括了。一個人氣質(zhì)包括四方面：一、思想深度（Thinking）;二、言語談吐（Conversation）;三、行為舉止（Behaviour）;四、儀容儀表（Appearance）。迭四方面倒勿是與生俱來而是后天形成，講娘肚皮里帶得來是句笑話。一切儕是后天知曉和獲得，因此，教育就是重中之重格因素。

一百多年之前上海開埠，多少西方商人、傳教士、冒險家涌到上海，上海人勒拉（在）迭種中西政治、經(jīng)濟、文化大沖撞中最早接觸到西方文明。出于殖民化要求，一批又一批到上海灘格西方人通過教會活動辦起了學校，上海人逐漸接受了西方現(xiàn)代教育。歷史上整個江南地區(qū)傳統(tǒng)文化非常發(fā)達，西洋文化進入中國，上海領(lǐng)先“西學東漸”潮流，實梗格開放過程以及東西文化交流對話格機緣巧合中，江南文化加上西方文化，華洋一體，本土創(chuàng)新，鑄就了有名格海派文化，迭格是歷史的積淀與饋贈，也就形成了“上海人副吞頭勢”。

籠統(tǒng)一句“上海人副吞頭勢”，上海人自家講起來自有豐富的內(nèi)涵，今朝有辰光會得聽到講，“倷勿要看老先生現(xiàn)在格賣相，憑伊副吞頭勢就曉得是‘圣·強勢出來上海灘啷最后一代老克勒”。經(jīng)過風風雨雨，老先生身啷還留存了副“圣·強勢”吞頭勢是哪能回事體呢？

“圣·強勢”是以前上海圣·約翰大學（St.John's University）格簡稱，曉得格上海人儕叫“圣·強勢”，講“圣·約翰大學”反而勿曉得儂講點啥。迭所教會大學1879年誕生于上海，一百多年之前是中國第一所跟國際接軌格高等學府，第一個將西方現(xiàn)代教育引入中國。“圣·強勢”用全英文授課，開設科學、哲學和藝術(shù)教育課程，十分強調(diào)禮儀、體育和課外活動，集中交匯之下，學生綜合素質(zhì)交關(guān)高，可以免試進入美國耶魯、哈佛和哥倫比亞頭牌大學深造。近百年來“圣·強勢”出了著名外交家顧維鈞、施肇基、宋子文，文學家鄒韜奮、林語堂、張愛玲，大師貝聿銘、周有光，還有紅色資本家榮毅仁、劉鴻生、黃炎培等等，名字一大串寫也寫勿落?！笆ァ妱荨笔讋?chuàng)“榮譽制度”（Honour System），考試勿設監(jiān)考！學生自家考卷上聲明：“此番大考，未曾助人，亦未嘗求助于人”。幾化自豪?！笆ァ妱荨眹`沒啥叫“作弊”兩個字，出來的人講榮譽誠信，自尊自愛，自律自信，由此可見“圣·強勢”帶來副“上海人格吞頭勢”了。想勿到上?！笆ァ妱荨币话俣嗄曛皩嵭懈竦鼈€制度，還傳回美國本土去，我同囡圄兩代人美國讀書格大學里也實行“榮譽制度”（勿是每所大學），現(xiàn)在更加自由，大考辰光高興啥地方做考卷儕好去，圖書館實驗室，校園草地上，小咖啡館里，儕是埋頭做考卷格人，反倒是課堂里空啷啷，嘸沒幾個同學，收考卷位，助教老兄坐了。

盡管“圣·強勢”里廂交關(guān)政商名流后代，或者富家豪門子弟，小開女小開官二代富二代撈一把揀揀，但是1925年上海“五卅慘案”發(fā)生，上海各界市民紛紛走上街頭抗議帝國主義殖民者罪行時，“圣·強勢”師生也組織了抗議，但是受到校方阻撓，于是在6月3日，就有553名學生和全體19名華籍教師集體宣布脫離“圣·強勢”，搭儂從此勿搭界，幾化彈硬！迭樁事體當時轟動全中國，國際上也曉得了，影響交關(guān)大?。∵^了三個月，在全上海各界支持下（其中勿少是學生家長），迭批脫離“圣·強勢”師生成立了中國人自家格大學，叫“光華大學”，“光耀中華”，迭格名字起得幾化響亮！回顧“上海人副吞頭勢”里廂，實事求是講，“崇洋”是有格，否則也勿會以“圣·強勢”副“吞頭勢”來界定“老克勒”。講到“媚外”倒勿好一棍子打殺，接受西洋文化但又時刻勿忘記自家是迭塊土地格主人，應該講是“崇洋勿媚外”，迭格底線“上海人副吞頭勢”里廂總歸還是要講究格。

講到接受西方文明，勿光是教會大中小學堂，或者吃洋行飯坐寫字間，還有海關(guān)銀行大醫(yī)院里廂，華洋雜處，彼此影響。就是老底子淮海路錢家塘里，總歸可以見到一個白俄，西裝襯衫領(lǐng)帶，皮鞋擦得锃亮，手里夾一副黑皮面格大文件夾，走起路來腰板挺直，客客氣氣一路啷搭弄堂里格老鄰居用上海閑話打招呼。勿曉得格人還以為伊是音樂學院教琴格老師，或者跳舞廳里格“洋琴鬼”（伴舞樂師），當作伊文件夾里是一張張樂譜。其實伊是淮海路啷上海灘有名格“萬興食品店”隔壁的“克萊夫特”面包店格烘焙師，大文件夾里是做各式面包蛋糕美點格用料配方！盡管是流落上海灘啷一位普普通通面包師傅，但尊重自家職業(yè)，活得光生體面，格點道理現(xiàn)在大家儕蠻講究了：人應該體面而尊嚴地生活著，體面出自對生活的自我把握，尊嚴來自人的文明覺醒?！吧虾Ｈ烁蓖填^勢”里廂，迭點教養(yǎng)是明顯有點年頭了。

格家“克萊夫特”每日天新鮮出爐格面包好吃到20世紀50年代中。店名是英文CRAFT音譯，是指行業(yè)、技藝。加了尾綴是Craftsman，手藝人、工匠、匠師。今朝又重新提倡工匠精神，迭爿面包店格店名啊是起得好。上海人一向尊重技藝，手里廂有生活（有技能）的人，廠里廂稱作“八級技工”，是老受尊敬格。迭種環(huán)境氛圍下頭，也是現(xiàn)實生活所逼，要捧牢自家只飯碗頭就要靠自家格技術(shù)水平。大而化之，上海迭座魔都追求格是技藝精湛，直到今朝“上海制造”在全國具有不可動搖的聲譽。無論啥個行當，上海人對自家格專業(yè)有足夠自信，體現(xiàn)了現(xiàn)代商業(yè)文明城市特征，“上海人副吞頭勢”也就出來了。

上海是一座移民城市，也是中國江南文化的集大成，迭些移民在日常生活中帶來了許多口語、俗語，雖然是街頭巷尾市井俚語，但是融合成海派文化之后，多姿多彩，活色生香。

比如：張家好婆講，“囡囡，笑破勿笑補啊”。一件衣裳傳落來，破脫了補一補汏干凈著了身啷嘸沒人會得笑，倒是破了勿補格個屋里廂大人懶得出蛆了（今朝潮流襤褸裝，存心著破扮酷當作別論）。還有樓啷阿娘講，“女要俏，常帶三分孝”。上海人衣裳打扮講究素雅為上，老底子用陰丹士林藍布做個旗袍最清靈逸致。陰丹士林是一種德國染料商業(yè)名稱，染出布來海藍顏色悅目明亮，色牢度又高，汏了幾出水之后藍顏色更加幽雅樸茂，純凈婉約。過去南京路永安公司女售貨員一律著迭種陰丹士林藍布旗袍，小報記者湊趣寫作“勾魂藍”，倒也一點嘸沒夸張。否則也勿會上演現(xiàn)實生活中格一出浪漫社會劇《康克令小姐》，大律師章士釗先生也就抱勿到一個掌上明珠含了嘴巴里怕煬脫（溶化）了。還可以聽見亭子間嫂嫂關(guān)照，“寧穿破，勿穿錯”。著衣裳打扮要看場合，有件好衣裳勿管三七廿一來煞勿及到處去賣樣要俾人家笑！記得也是出國初，洛杉磯美中友好協(xié)會請得去BBQ（巴比Q，庭院燒烤聚會），來了幾位國內(nèi)出來格官太太，一色旗袍高跟鞋，結(jié)果從開始到末腳聚會上伊拉立也勿是坐也勿是，弄得阿拉幾個上海人邊啷尷尬煞！前面講格幾句閑話雖然是家長里短，市中井旁，但是仔細忖忖，真是讓上海小囡從小就懂得了“勿怯窮，勿炫富”，不卑不亢有底氣格道理呢，實梗一來“上海人副吞頭勢”就出來了嘛。

上海人交關(guān)講究賣相、派頭，老人會得講，“人有辰光難免交‘霉運，但是千萬勿好有‘霉相”?！拔母铩碑斨猩虾ｋ娪爸破瑥S一大批老克勒儕倒霉得一塌糊涂，口號震天格批斗會啷一個個掛了牌子低了頭立了嗨，只見幾個有頭發(fā)格“卅年代反革命文藝黑線黑幫分子”，像著名攝影師黃紹芬?guī)孜?，依舊是根根頭發(fā)梳得一絲勿亂，廠里造反派倒是熟視無睹，氣得來兩個北京男女紅衛(wèi)兵跳上臺去拿伊拉頭發(fā)儕弄弄亂，講：“打掉他們的反革命氣焰！”現(xiàn)在看看幾化好氣又好笑。伊拉外地人勿曉得“上海人副吞頭勢”就是實梗，越是倒霉越要面凈發(fā)潔，衣整鞋亮，再困難格日腳還是要保持自家格體面，迭格真是海派文化里格強勢語言啊。記得小辰光屋里賬房先生老寧波話過，“人免勿了要‘背時（讀倍音），隨便哪能勿好‘背德”。上海閑話“背時背德”是寧波閑話里移過來，四個字連了一淘用。賬房先生特為格能講，強調(diào)指出時運不濟了勿可以背叛道德底線！做生意要規(guī)規(guī)矩矩老老實實，傷陰騭（zhi，滬音讀“節(jié)”）格事體萬萬做不得！偉大的古希臘哲人亞里士多德講：“行德使人成為良好公民，知德使人獲得幸福生活?！蓖~房老寧波講格真是一樣格道理。

上海人嘴巴里還有一句“親兄弟，明算賬”，但凡涉及錢財，必定“你的，我的”分得刷清。交關(guān)大經(jīng)濟學家講過，“對私有財產(chǎn)要有明確界限，產(chǎn)權(quán)界限越清晰就必定會講誠實守信，市場交換分工合作也就有水平，形成真正的互惠互利良好環(huán)境”。上海人副吞頭勢就是如此，日常交往當中，區(qū)分人與人之間界限清晰到一分一厘。尤其是談生意，大家拿自家利益攤出來，互相尊重對方利益，而勿是一人統(tǒng)吃，一家獨贏。生意談妥之后定好契約，上海人又講“閑話一句”！重契約重承諾，守規(guī)矩講信用，硬橫得死脫！但是迭副上海人格吞頭勢倒俾一些外地人看作“上海人小器，斤斤計較”。講起來真是有點作孽八啦，“上海人副吞頭勢”長期被污名化，學堂里單位里過去講迭副吞頭勢是“資產(chǎn)階級派頭，小資產(chǎn)階級情調(diào)”，有事嘸事批評檢討兩句，現(xiàn)在格兩頂大帽子總算嘸沒了。但是最近網(wǎng)上出了個“慫”字，迭格是正宗格北方地區(qū)口語俗語，“慫”本字是古字“？”，網(wǎng)上嘸沒文化格人訛借過來。原義是驚慌恐懼，現(xiàn)在泛義為諷刺一個人軟弱無能，膽小窩囊，碰著要緊關(guān)頭就逃避。迭格字俾外地人套勒上海人頭啷，啊要忒勿公平！

聽來聽去講上海人“慫”，無非集中在兩點：對內(nèi)，屋里廂勿像個“大老爺們”，怕老婆疼小囡，下了班做“馬大嫂”（買、汏、燒），圍只圍單廚房間里忙個不停;對外，矛盾沖突再激烈盡打嘴皮子仗，“儂哪能？”“儂哪能！”半日天勿動手！勿錯，迭兩條的確是“上海人副吞頭勢”，錯格是拿格兩條來丑化、矮化上海人形象格迭些人！

當今世界人類社會文明不斷發(fā)展，從尊重女權(quán)到了平等女權(quán)，生活中男士分擔家務是極平常格事體。勿看見前兩年網(wǎng)上拍攝到美國前總統(tǒng)小布什屋里門口倒垃圾格視頻嗎？近來網(wǎng)上又流傳美國財政部長廚房間里吊只大圍單汏碗，伊格老太婆適適意意坐了邊啷小臺子上白相撲克牌打通關(guān)……好講迭些男人“慫”嗎？上海男人做“馬大嫂”有點名氣，而且勿覺得是樁坍臺格事體。上海好男人就該如此，鑊鏟一捏燒兩只菜出來絕對是國宴水平。孔夫子《論語》里講過“食不厭細，膾不厭精”?！墩撜Z》是中華傳統(tǒng)文化的精髓，上海男人身體力行做到了，而且迭副“吞頭勢”還迎合世界潮流，嘲笑迭點格人恐怕還滯留在農(nóng)耕文化初級階段吧。

上海人勿相信拳頭里出真理，只要大家講道理，用勿著狠三狠四氣勢洶洶，碰勿碰就拔拳頭，因此上海人暴力程度低是公認格共識。馬路啷公交車上吵相罵是有，有辰光交關(guān)鬧猛！不過絕大多數(shù)是“君子動口勿動手”，拔拳頭打相打格事體勿好講“絕無”也是“僅有”。常樁邊啷有人勸兩句：“好了，算了，大家少講兩句……”兩家勿袒護，雙方勿坍臺，一場風暴就可以過去，大家各走各格路。如果爭吵中有人惡語傷人，出格點閑話剛出口，邊啷人就會評判：“噯噯，大家講閑話文明點！”上海人拎得清，再勿識相，有道理也變得嘸沒道理，就此收口落蓬算數(shù)。上海閑話里邊啷勸相罵格人俗稱“老娘舅”，江南自古以來娘舅為大，囡圄出嫁娘舅嘸沒到，嫁妝勿好出腳啟程;屋里分家當板定要娘舅來主持公道。久而久之，社會上熱心主持公道排解糾紛的人就俾大家尊稱為“老娘舅”?，F(xiàn)實生活中主動扮演“老娘舅”角色格上海人真勿少見，四兩撥千斤格社會功能，各種糾紛就勿會升級，矛盾勿會尖銳化。碰著事體講道理，暴力程度自然降低。迭格是上海人格秉性，也是現(xiàn)代人類文明進步表現(xiàn)，搭“慫”字渾身勿搭界。